मला जोडलेल्या तोडलेल्या
ओरखडलेल्या खोडलेल्या
प्रत्येक भावनांना समजून घे
मला समजावून घेण्या पेक्षा
किंवा समजावून सांगण्यापेक्षा ...इति .. बोध
संवेदना, आकाश सारखेच
मर्यादा नसते कसली त्यांना
मुक्त स्वछंदी पाखर उडतात
पण शेवटी तीच थकून, गळून
अस्तिस्त्वहीन, मरून पडतात ...इति .. बोध
काळीज असत धुकं असतं
धुक्यात सगळं अंधुक असत
डोकावून बघू नकोस फारस
जिथं विरळ तिथं कुणीच नसेल
जिथं गर्द तिथं फक्त तूच भासेल ...इति .. बोध
प्रवास, वाट, वाटसरू,भूक
एव्हढाच ते काय माझं विश्व
भूक शमली, वाट सरली ,
वाटसरू निघून गेलेत पुढे
म्हणजेच प्रवास संपला नाही का ! ...इति .. बोध
-भूराम
