गडे

 

गडे

सांभाळ ग तुझा,
तो पदर लबाड.
कसा छेडे बघ मज,
नसे लाज, किती द्वाड.

त्या बिलोरी बांगड्या,
बळे हसती रांगड्या.
नाही बघायचं तरी,
ध्यान जाते गे पल्याड.

रूप तुझं नवरंगी,
त्यात हृदयी सारंगी.
क्षण आवरू हा किती

मना वाटे जरी ग्वाड.

— भूराम

चित्रांकित

 

चंद्रवेळा

गुंतले काळीज चंद्रवेळा सांभाळीत,

साधने आभाळ ओलावले झोळीत.


निखारे मिठीच्या आडोश्याला वेडे,

बोलकेसे डोळे जीव कुरवाळीत.


साजण मितेचा, सावळ्या छवीचा,

आवडे कधीचा, तुझ्या सवयीचा.


भरकटल्या मनाला वेच ओंजळीत,

आता हरवते प्रेम रोज वर्दळीत.

- भूराम