******
धर्म हा नसतो माझा तुझा
धर्म हा असतो धर्म
देव ही नसतो माझा तुझा
आपुले असते कर्म
जगणाऱ्याने गतकाळातील
का कोरावी थडगी?
मेल्यावरही जिवंत राहते
पोटामधली खळगी!
दान तुला जर देता आले
हात ही देशील दान
माणूस होता माणसांसाठी
हो प्राण्यांचा प्राण
वेळ कोडगी निघून जाईल
बदलून जाईल सत्ता
तिचाच शेवटी फेकील ती तर
एकच हुकमी पत्ता.
उपरे आम्ही मुर्ख जरी हे
वाटे बोल हे मांडण
निसर्गाशी तुझे मानवा
थांबव आता भांडण.
-भूराम
कोणत्याही टिप्पण्या नाहीत:
टिप्पणी पोस्ट करा