——🌸———
पेलणे आव्हान आहे
जिंकणे सम्मान आहे
घडता मी ह्या घडीला
होणे मी निर्माण आहे.
ठेवतां मी शब्द खाली
पेटती साऱ्या मशाली
शोध सोपी वाट माझी
सोडीले निशाण आहे.
जा रे सांगा ह्या जगाला
विध्द झाल्या जाणिवेला
शरपंजरी देही माझ्या
पेटलेला प्राण आहे.
मी निघालो वाट माझी
ती उद्या पहाट माझी
रोखणे नाही मला मी
उठविले रान आहे.
त्या कुणा आनंद होतो
कोसळता मी धरेला
सांगा त्यांना आजपासून
ताठ माझी मान आहे.
-भूराम
________🌷________
कोणत्याही टिप्पण्‍या नाहीत:
टिप्पणी पोस्ट करा