शनिवार, २२ ऑक्टोबर, २०११

स्निग्ध वृत्ती माझी.

ओला अजूनी होणे का ना मला जमे रे?
ही स्निग्ध वृत्ती माझी का ना मला गमे रे!

स्पंदाळुनी प्रवासे आयुष्य हे नदीसे
धारेस कापितांना का घेतसे नमे रे?

त्या कोडग्या उन्हाची ही साथ रोज वाटे
अन् सावलीशी जाता का झोपतो दमे रे?

येते, ढळूनी जाते हे दुःख आसवांचे
ना पेटतो मी त्वेषे, ना घेतसे नमे रे!

मी बेगडा, मी साधा, बेमान, मी फ़कीर
नाही, नसे कुणाचा, नात्यात ना रमे रे!

-भूराम (०८/१०/२०११)