तुझी नी माझी मैत्री
जगण्याची वेळ झाली
सूर्या बसू जरासे का?
निघण्याची वेळ झाली!
तो बघ तो किनारा
अस्प्ष्टश्या काजव्यांचा
दे तेज तू तयाला
जळण्याची वेळ झाली.
ती गोड़ ती मघाची
किलबिल पाखरांची
बोलू जरा घडीभर
उडण्याची वेळ झाली.
मी सांगू का तुला रे
ते दुखणे सावल्यांचे
त्यांच्या मिठीत आता
घडण्याची वेळ झाली.
तू गेल्यावर आता
जगणे मला रे काही
जा माणसांत माझी
रुजण्याची वेळ झाली.
-भूराम
11/11/2019
कोणत्याही टिप्पण्या नाहीत:
टिप्पणी पोस्ट करा